Agtalitalinaed ti bilang dagiti ubbing a makapaspasar iti pananggabuso iti siudad iti Baguio partikular iti bullying ken dadduma pay.
Gapu iti dayta, ad-adda patpatibkeren dagiti local a gobierno iti siudad ti Baguio ti violence against women and their children (VAWC).
Malaksid iti dayta, maisaksakad ti juvenile criminal justice system iti siudad a makatulong a manglapped iti pannakadangran dagiti ubbing iti siudad.
Iti pannakiuman ti Bombo Radyo kenni Elmer Datuin, Counsilor iti siudad ti Baguio, kinuna nga agtultuloy ti seminar dagiti barangay officials ken dadduma pay a maseknan nga indibidual iti baranggay para iti kanayon nga impormasion seknan iti violence against women and their children (VAWC) ken dagiti addang a maipatumpal apaman a makaawat dagitoy iti reklamo seknan iti panangabuso kadagiti ubbing.
Mainaig iti dayta, maysa a parikut a sangsangwen dagiti ubbing iti siudad ti impluensa manipud kadagiti pada dagitoy nga ubbing, nu sadino maimimpluensiaan dagitoy a mangaramid iti bullying.
Gapu iti dayta, kanayon mapalpalagipan ti publiko seknan iti nasayaat a panangpadakkel kadagiti ubbing ken ti pannakaisardeng iti panangabuso kadagitoy nangruna ita a Childrens month.
Kabayatanna, maitantandudu dagiti nagduduma nga aktibidad ita a childrens month kas iti free math tutorial, parents childrens talk, Children got talent ken dadduma pay.//mp4
