Dumanunen iti two million ti bilang dagiti Pilipino nga awanan ti trabaho iti bulan ti Marso iti agdama a tawen.
Sigun iti rekord ti Philippine Statistics Authority(PSA), 3.9% a nangatngato daytoy nu idilig iti 1.8million a bilang dagiti unemployed idi Pebrero ita metlaeng a tawen.
Bukbuklen ti nasao a porciento ti 205,000 a bilang dagiti awanan ti trabaho nga agtawen kinse agpangato.
Sigun kenni Philippine Statistics Authority(PSA) Chief Claire Dennis Mapa, dagiti industriya nga addaan ti kadaklan a bimmabaan iti employment ket pakairamanan ti agriculture and forestry a 318,000; sarunwen ti transportation and storage a 292,000; construction a 214,000; ken ti administrative and support services a 118,000.
Nupay kasta, ti nasao a bilang dagiti unemployed iti bulan ti Marso ita a tawen ket nababbaba ngem iti 2.42 million a nairekord iti kapada a bulan idi 2023.