Dumanonen iti 76 ti pimmusay bayat a 13 ti mapukpukaw gapu iti pannakauram iti barko a MV June Aster sadiay Coron, Palawan idi Setyembre 9, 2026.
Sigun iti imbinglay dagiti otoridad a manifesto, adda ti pakabuklan a 134 a tao a sakay iti barko no sadino 117 ti pasahero ken 17 met ti crew.
Sigun iti Philippine Coast Guard(PCG), narekober ti rescue teams idi Sabado ti kanayonan a 41 a pimmusay a dagus a naiyakar iti pantalan sadiay Coron.
Kabayatanna, 43 met ti nairekord a survivor iti nasao nga insidente.
Maipalagip a ti MV June Aster ket kukua ti Atienza Interisland Shipping Lines, manipud iti Baseco, Manila no sadino agturong kuma daytoy sadiay Coron idi masapak ti insidente.
Agtultuloy met ti search and rescue operations para kadagiti mapukpukaw bayat a nangisayangket metten iti imbestigasyon tapno maammoan ti rason ken dadduma pay a detalye iti nasao nga insidente.//Bombo Khey Reparip
