--Ads--
BAGUIO CITY – Agtultuloy nga umad-adu ti kaso ti COVID-19 ditoy siudad ti Baguio ken iti pakabuklan ti Cordillera.
Maibasar iti report, nairekord ti 65 a kabarbaro a kaso ti virus ditoy siudad idi kalman.
Dumanon itan iti 1,704 ti pakabuklan a positibo a kaso ti virus ditoy siudad.
Manipud iti nasao a bilang, 589 ti aktibo, 1,094 dagiti naimbagan ken 21 dagiti pimmusay.
Kabarbaro a kaso ti pimmusay ti maysa a babae nga agtawen iti 77 a nagsagaba iti uyek ken gurigor iti las-ud ti makalawas.
Iti intero a Cordillera, dumanonen iti 2,723 ti pakabuklan a kaso ti COVID-19, no sadino, 825 ti aktibo, 1,868 dagiti naimbagan, ken 30 dagiti pimmusay.
