--Ads--
Dumanonen iti sangapulo ket siyam ti bilang dagiti pimmusay gapu iti panakalmes iti pagilian ita a Holy week, sigun iti Philippine National Police (PNP).
Maibasar iti datos ti Philippine National Police, nakailistada ti tallo pulo nga insidente manipud Marso baente nuebe agingga Marso a trenta iti entiro a pagilian.
Dagiti sangapulo ket siyam a pimmusay nga indibidual ket manipud Region 4A a dumanon iti pito a kaso, sarunoen ti Region 2 nga addaan ti tallo a kaso, Region 6, Region 3 ken Region 1 nga addaan ti tag dua a kaso bayat a ti Region 5, Region 8 ken Region 11 ket addaan ti tag-maysa a kaso.
Kaadoan kadagiti biktima ti panakalmes ket dagiti agtawen iti baente uno agingga kwarenta.
