Pakdaar: Mention of suicide!
Ngumatngato dagiti bilang ti suicide ken attempted cases iti siudad ti Baguio. Sigun kenni Mayor Benjamin Magalong, saan laeng a dagiti nadakamat a kaso ti ngumatngato nu di ket kasta metten dagiti agrepreport nga indibidual nga addaan iti mental health issue.
Impettengna a saan a nasken nga idulin ti nasao nga impormasyon gapu ta nasken a maamuwan daytoy iti publiko tapno tumulongda iti pannaka-address daytoy.
Innayonna a karit daytoy iti siudad. Nupay kasta, nasken latta nga ituloy ti panang-innovate kadagiti programa ken proyekto. Maysa dituyen ti pannakaimuntar ti Blue Lights kadagiti overpass iti siudad.
Mainaig iti dayta, nasken metlaeng a mapabileg ti information, education campaign (IEC) tapno mapasayaat ken ngumato ti awareness iti publiko a mang-awat kadagiti indibidual a makapaspasar iti krisis iti panagbiyagda.
Imbinglay ni Mayor Magalong a maysa kadagit indicators ti ‘silence’ wenno panagbalin a naulimek ti maysa nga indibidual no sadino imbalakadna iti publiko a sursurwenda a makipagrikna kadagiti makapaspasar iti mental issue ken krisis iti panagbiyag.
