Bimmaba ti populasion ti Japan iti 120.3 milion manipud Oktubre 2024,, kas maibasar ti opisial a datos idi Lunes, a nangmarka iti rekord a panagbaba ti 898,000 a tattao manipud iti napalabas a tawen.
Ti bilang a naiyanak idiay Japan ket karaman kadagiti kababaan iti lubong.
Ti panagbaba ti populasion ket kadakkelan a panagtinnag a nairekord sipud idi nangrugi ti gobierno a nangurnong kadagiti datos idi tawen 1950,sigun iti internal affairs ministry.
Kinuna ni Chief Cabinet Secretary Yoshimasa Hayashi a pinadas ti gobierno ti Japan a mangipaay ti tulong kadagiti agtutubo a pamilia a kayatda ti maaddaan iti annak ngem mariknada a saanda a kabaelan gapu kadagiti rason ti ekonomia.
Naamuan a kaaduan kadagiti agtutubo a tattao idiay Japan ti mangitantan iti panagasawa ken panaganak gapu iti nagduduma a rason, a kas ti trabaho ken dadduma pay.
Ikagkagumaan ti gobierno ti Japan nga ipangato ti tangdan dagiti agtutubo kagiddan ti panangipaayda ti tulong iti panangpadakkel iti ubing, sigun kenni Hayashi.
