Naituding ti bilateral meeting ni President Ferdinand Marcos Jr. ken Singaporean President Tharman Shanmugaratnam ita nga aldaw, sigun iti Presidential Communications Office.
Pasangbayen da Marcos Jr. ken First Lady Louise ”Liza” Araneta-Marcos ni Singaporean President Shanmugaratnam ken ti asawa daytoy a ni Jane Yumiko Ittogi kabayatan ti seremonya iti Malacañang Palace.
Sigun iti Presidential Communications Office, panggep ni Marcos Jr. a patibkeren pay ti relasyon ti pagilian iti Singapore iti nasao nga state visit.
Malaksid iti bilateral meeting, naituding ti panagpinnirma ti dua a lider iti memorandom of understanding (MOUs) maipapan iti recruitment dagiti Filipino healthcare workers kasta met ti kolaborasyon dagitoy iti climate change.
Maipalagip a ti immuna a panagkinita ti dua a lider ket kabayatan ti panagbisita ni Marcos Jr. sadiay Singapore idi Mayo iti agdama a tawen.
Ti kaudian met a presidente ti Singapore a nagbisita iti pagilian ket ni Halimah Yacob idi tawen 2019.
Nangrugi a nabukel ti diplomatic relationship ti dua a pagilian idi tawen 1969.
