Inabswelto iti Sandiganbayan da sigud a Vice President Jejomar Binay,ti anak daytoy a ni sigud a Makati Mayor Erwin Binay,ken daduma pay nga indibidwal iti kaso a malversation of public funds ken nagtutuon a kaso iti graft and falsification of public documents.
Dagiti kaso ket mainaig iti panakaaramid ti proyekto a carpark nga agbalor iti PhP2.2 billion idiay Makati.
Iti desisyon iti Sandiganbayan Third division, saan a guilty dagiti akusado gapu ta saan a balligi ti panangpaneknek iti prosekyusyon a dagitoy ket nagbasol.
Malaksid iti dayta, imbilin metlaeng ti korte ti panaka-lift ti Hold Departure Order kontra kadagiti Binay ken dagiti kakadwada a naakusaran.
Maipalagip a nangipila dagiti state prosecutors ti 23 a kaso kontra kadagiti Binay idi 2016, ti naudi a tawen ni Jejomar iti termino daytoy kas bise presidente iti pagilian.
