Nagbalinen nga equal ti bingay ti tungal barangay iti development fund iti siudad ti Baguio.
Iti panakiuman ti Bombo Radyo kenni Councilor Rocky Aliping, Presidente ti Association of Barangay Councils – Baguio, kinunana a nailatang ti P48.9 million kadagiti baente a distrito iti siudad wenno kadagiti agarup uppat a gasut a barangays.
Napagnunumoanda met a saanen a bumaba iti P500-K ti maipaay a kontrata kadagiti kontraktor kadagiti nagduduma a proyekto iti siudad ti Baguio tapno dagus a mabid daytoy.
Inyunay-unay ni Aliping nga ar-aramiden ti opisina dagitoy ti kabaelanda para iti panakaimplementar dagiti amin a proyekto ken maliklikan ti panakaitantan dagitoy kasta met a sigsiguradoenda a mapilpili dagiti rumbeng wenno umno a kontraktor.
Daytoy ket gapu ta adon a kontraktor ti saan a mangsursurot iti kontrata ken kaadoan kadagitoy ket napilaan iti kaso.