Ipangato ti Department of Migrant Workers (DMW) ti binulan a minimum wage, tinawen a medical checkups ken hospitalization dagiti domestic workers a Pilipino.
Paset daytoy ti reform package ti nasao nga ahensia nga addaan iti panggep a masigurado ti proteksion ken pagimbagan dagiti katulong a Pilipino.
Maibasar iti DMW Advisory No. 25 s. 2025 a pinirmaan ni Migrant Workers Secretary Hans Leo Cacdac, maipatungpal ti $500 manipud iti $400 a sigud a sueldo dagiti Pilipino a katulong.
Saklawen daytoy ti amin a DMW-processed employment contracts.
Kabayatanna, maipatungpal ti medical checkups ken hospitalization iti libre ken voluntary basis.
Iti kanito a mapasamak ti work-related accidents ken makapasar iti sakit dagiti domestic helpers, bayadan ti foreign recruitment agencies ken foreign employers dagiti magastos.
Naituding a mangipaulog ti Department of Migrant Workers (DMW) iti operational guidelines para iti tunggal paset ti reforms package.
