Impakaamo ti Department of Agriculture (DA) a mangisayangkatda iti binulan a review iti maximum suggested retail price (MSRP) a P58 tunggal kilo a premium imported rice, nga addaan iti posibilidad a maibaba ti presio inton sumaruno a bulan.
Sigun iti nasao nga ahensia, mangisayakatda ti binulan a review iti premium imported rice a saan a nasurok iti 5% ti broken grains ken “capping” ti profit margins dagiti importers, traders, ken retailers iti P10 tunggal kilo.
Dagiti retailers a lumablabes iti maximum suggested retail price (MSRP) ti presioda ket masapul nga ilawlawag ken ikalinteganda kadagiti otoridad gaputa immunan a kinuna ni Agriculture Secretary Francisco Tiu Laurel Jr. a saan koma a lumbes iti P50 tunggal kilo ti imported rice a 25% broken.
Maibasar iti kaudian a datos ti Department of Agriculture (DA), maiparparangarang a ti presio ti imported commercial rice iti Metro Manila ket agay-ayam manipod iti P45.00 agingga P54.00 tunggal kilo a depende iti variety ti bagas.
Daytoy ket kasaruno ti pammilin ni President Ferdinand “Bongbong” Marcos Jr. iti sidong ti Order 62 a nangpababa ti taripa ti bagas iti 15% agingga 2028 manipod iti 35%.
