--Ads--
Impetteng ni House impeachment trial spokesperson Zia Adiong ti Lanao del Sur nga “Armory of evidence’ kontra kenni Vice President Sara Dutere ti Bureau of Internal Revenue (BIR) box a naglaon iti tax records da Bise Presidente ken asawana a ni Manases Carpio.
Immuna a kiniddaw ti House prosecution team nga agtalinaed a naselioan ken agserbi ti BIR box kas ebidensia.
Nupay kasta, kinontra ti defense team ti Bise Presidente.
Gapu iti dayta, imbilin ti Clerk of Court ti Senate impeachment court a kiddawenda iti depensa a mangisubmitir iti komento maipapan iti daytoy iti uneg ti 24 nga oras sakbay a marisut ti isyu.
Sigun kenni Adiong, mabutngan ti kampo ni VP Sara iti nilaon ti nasao a box isu’t gapuna a saanda a kayat a maluktan daytoy.
