Pormal nga intan-ok ni Pope Francis ni Pablo Virgilio David a kardinal ti Iglesia Katolika.
Dinutukan ti Santo Papa ni David kas maysa kadagiti dua pulo ket maysa a baro a kardinal bayat ti Ordinary Public Consistory for the Creation of New Cardinals idiay St. Peter’s Basilica.
Ti sigud a bishop ti Kalookan a ni Dabid ket nagbalin a maikasangapulo a Pilipino a nagbalin a cardinal nu sadinno kaduana dagiti agdama a kardinal a da Jose Advincula ti Manila ken Luis Antonio Tagle.
Bayat ti seremonia, naipaayan ni David ti cardinal ring, maysa a “tube” a naglaon ti dokumento a mangiwarwaragawag a baro a kasasaad kas cardinal, ken maysa a nalabbaga a biretta.
Madutukan metlaeng daytoy iti titular church idiay Rome.
Kabayatanna, dagiti baro a cardinal ket nagtaud pay manipod iti nagduduma a pagilian pakairamanan ti Argentina, Brazil, Chile, Peru, Italy, Britain, Serbia, Japan, Indonesia, Canada, Ivory Coast, ti Pilipinas, ken Algeria.
