Nainget a pinaglibakan ti Bureau of Jail Management and Penology (BJMP) a nakaruar iti Quezon City Jail-Male Dormitory ni sigud a House Speaker Martin Romualdez.
Sigun kenni JSupt. Jayrex Bustinera, pannakangiwat ti BJMP, adda iti uneg ti pagbaludan ni Romualdez kagidan iti panangipakita ladawan ni Romualdez iti uneg ti pagbaludan idi kalman, Nobyembre 4.
Pinaglibakanna metlaeng nga ada ti napasamak a power interruption idiay pagbaludan ken kinumpirmarna nga operational dagiti amin a CCTV iti uneg.
Daytoy ket kas sungbat iti agwarwaras a sayangguseng a nakaruar ni Romualdez babaen iti agdan iti likud ti pasilidad ken naiserra amin a CCTV tapno saan a maalaan ti panaglibasna.
Inlawlawag ni Bustinera nga awan ti dalan iti likod ti pasilidad gapu ta maysa laeng ti gate ti building.
Kabayatanna, inbilin ni JDIR Efren Nemeño, hepe ti BJMP ti naun-uneg a panangimbestiga seknan iti alegasyon a rimmuar metlaeng ni Romualdez iti pasilidad idi Nobyembre 3.
