BAGUIO CITY – Pinadayawan ti Bureau of Fire Protection (BFP) – Cordillera ti Bombo Radyo-Baguio kabayatan ti culiminating activity ti ahensia para iti Fire Prevention Month idi kalman.
Daytoy ket gapu iti suporta ken tulong daytoy iti pannaka-obserbar ti Fire Prevention Month ita a Marso, nangruna iti panakaidanon ti impormasyon iti publiko tapnu maliklikan ti uram.
Nakawaat met laeng iti pammadayaw ti nagduduma a line agencies kas iti Department of Health, Philippine National Police, nagduduma a lokal a gobierno, akademya ken dadduma pay a media organizations.
Kabayatanna, impanamnama met ni Atty. Noel Ngolob, provincial administrator ti Benguet ti agtultuloy a panangsuporta ti probinsia kadagiti programa ken kampania ti BFP-Cordillera para iti pannakaliklik dagiti insidente ti uram, saan laeng nga iti probinsia ti Benguet, ngem ketdi, iti intero a rehion Cordillera.
