Impakita manen ti Bombo Radyo Philippines ti sireb dagitoy maipapan iti broadcasting industry kalpasan a nakwalipikar dagitoy kas maysa kadagiti finalists iti walo manipud iti siyam a categories iti Catholic Mass Media Awards (CMMA)
Nabigbig dagitoy gapu iti comitment da babaen iti panangipaayda iti high-quality content kadagiti nagduduma a pagilian.
Karaman iti finalists iti nasao a pammadayaw dagiti sumagmamano a programs manipud kadagiti nagduduma nga stasyon ti Bombo Radyo kasta metten ti sister network daytoy nga Star FM.
Nakastrek iti Best Business Program finalist ti Bombo Special Report ti Bombo Radyo Philippines; iti Best Counseling Program finalist nakastrek ti Kahapon Lamang program ti Bombo Radyo Dagupan; nakastrek iti Best Drama Program ti Recuerdos Dela Vida ti Bombo Radyo Vigan kasta metten ti The Messiah ti Star FM Cebu.
Malaksid iti dayta, nakastrek metlaeng iti Best Entertainment Program finalists ti Afternoon Starsweep ti Star FM Bacolod; nakastrek iti Best Educational Program finalists ti Bombo Special Report ti Bombo Radyo Philippines ken ti The Visita Iglesia ti Bombo Radyo Legazpi; nakastrek met iti Best News Commentary finalists ti Bombo Special Report ti Bombo Radyo Philippines kasta metten ti Bombohanay Bigtime ti Bombo Radyo Baguio.
Nakastrek metlaeng iti Best News Feature finalists ti Bombohanay Bigtime ti Bombo Radyo Koronadal ken ti Good Morning Philippines ti Bombo Radyo Laoag.
Kanayon iti dayta, nakastrek metlaeng iti Best News Program finalists ti Bombo Network News ti Bombo Radyo Philippines kasta metten ti Bombo News and Views Morning Edition ti Bombo Radyo Cebu.
Kabayatanna, maipalagip a ti Catholic Mass Media Awards ket kas panagbigbig iti media excellence kadagiti sumagmamano a media stations gapu iti Christian values dagitoy.
Nabigbig ti Bombo Radyo Philippines kas addaan iti kaaduan a nominations gapu iti commitments da a mangipakaammo, makipagsarita, kasta metten ti morally uplifting broadcasting dagitoy.
