BAGUIO CITY – Napasaran ti unscheduled power interruption iti kaaduan a paset ti Baguio City ken iti entero a probinsia ti Benguet ken Mt. Province kalpasan a nadadael ti maysa a breaker ti National Grid Corporation of the Philippines (NGCP) iti istasyon dagitoy sadiay Beckel, La Trinidad, Benguet.
Naamuan a ti breaker ti mangsupsuplay iti kuryente iti sub-stations ti Benguet Electric Cooperative (BENECO) sadiay North Sanitary Camp, Irisan, Atok ken Bulalacao.
Naapektaran pay ti La Trinidad-Mankayan-Sagada 69 kilovolt line, La Trinidad-Sablan 69kilovolt line ken La Trinidad-Lepanto 69kilovolt line ti NGCP.
Sigun kenni Melma Batario, information officer ti NGCP-Northern Luzon, pimtuk ti maysa a breaker kalpasan a nakimat daytoy.
Kinunana a nangikabil metten iti baro a breaker ti technical team ti ahensia.
Sigun met kenni Engr. Art Bacoco, maysa a maintenance engineer ti Beneco, dimmanon iti 98% a member consumer iti siudad ti napukawan ti kuryente bayat nga amin a munisipyo iti Benguet.
Naapektaran metlaeng dagiti member-consumer ti Mountain Province Electric Cooperative (MOPRECO).
Inlawlawag ti Beneco a no mapukaw ti kuryente iti benneg ti NGCP ket maapektaran met dagiti adu a sub-stations ti kooperatiba gaputa ti NGCP ket maysa a transmission company.
———– Filipino translation ————
BAGUIO CITY – Naranasan ang unscheduled power interruption sa malaking bahagi ng lungsod ng Baguio at sa buong lalawigan ng Benguet at Mt. Province makaraang masira ang isang breaker ng National Grid Corporation of the Philippines (NGCP) sa Beckel, La Trinidad, Benguet.
Ang nasabing breaker ang nagsusuplay ng kuryente sa mga sub-stations ng Benguet Electric Cooperative (BENECO) at ng Mountain Province Electric Cooperative (MOPRECO).
Maliban dito ay apektado din ang La Trinidad-Mankayan-Sagada line, La Trinidad-Sablan line at ang La Trinidad-Lepanto line ng NGCP.
Agad namang humingi ng dispensa ang NGCP kung saan, ipinaliwanag ni Melma Batario, information officer ng NGCP-Northern Luzon, na pumutok ang isa nilang breaker matapos tamaan ng kidlat.
Ayon naman kay Engr. Art Bacoco, isa sa mga maintenance engineer ng BENECO, aabot sa 98 percent ng mga member consumer sa lungsod ang nawalan ng kuryente habang apektado naman ang buong lalawigan ng Benguet.
Maliban dito ay apektado din ang lahat ng mga member consumer ng MOPRECO.
Nilinaw ng BENECO na kung sa NGCP manggagaling ang problema sa kuryente ay apektado lahat ang kanilang mga sub-stations.
