Nagsublin ti barko ti Pilipinas a BRP Gabriela Silang iti Port Area ti Manila idi kalman kalpasan ti naballigi a pannakaileppas ti duapulo ket innem nga aldaw a tri-country port visit mission daytoy idiay Thailand, Malaysia ken Vietnam, sigun iti Philippine Coast Guard (PCG).
Nagturong ti nasao a barko idiay Thailand idi Abril a uno, Malaysia idi Abril a otso, ken Vietnam idi Abril katorse ken disi siete.
Timmabuno dagiti delegado ti Philippine Coast Guard iti “series of engagement,” meeting, ken diskusion kadagiti coast guards ti dadduma a pagilian a panggepna a mangpasayaat ti panagtalek, mapapigsa iti koordinasion ti krisis, ken dadduma pay a panggep.
Ti mission ket paset ti panagregget ti coast guard a mapapigsa ti maritime diplomacy iti sidong ti ASEAN Coast Guard Forum (ACF).
Kas iti Pilipinas, adda ti susik ti Vietnam iti China maipapan iti South China Sea.
