Temporario a mailukat iti kaunaan a gundaway para kadagiti bisita ti Buckingham Palace idiay London, partikular iti nalatak a Buckingham Palace’s East Wing housing, ballroom, dagiti garden ken sumagmamano kadagiti siled manipud Hulio agingga iti Agosto, kalpasan ti agarup lima a tawen a panangpasayaat kadagiti nasao a paset ti palasio.
Iti kaunaan a gundaway, maimatangan dagiti bisita dagiti dadduma a paset ti Balmoral Castle idiay Scotland nga us-usaren ti royal family.
Sigun iti Royal Collection Trust ti nasao a palasio, masapul a gumatang kadagiti tiket nga agbalor iti $95 wenno agarup P5,000 para kadagiti nataengan.
Kabayatanna, nagparang ni King Charles III itay nabiit iti publiko kalpasan nga impakaamoda ti panaka-diagnosna iti cancer ita a tawen.
