BAGUIO CITY- Agbalballaag ti lokal a munisipyo ti Buguias kadagiti business establishments mainaig iti panagridamda kontra kadagiti scammers iti taraon, cellphone loads ken dadduma pay nga items.
Kasaruno daytoy ti insidente a panakaaramat ti nagan ti Buguias LGU partikular ti opisina ti mayor dagiti scammer a nang-order iti taraon.
Naamoan a dumanon iti nasurok P7,000 ti gatad ti maatap nga inorder ti saan pay a nabigbig nga indibidual a pakairamanan dagiti naideliver nga taraon, bottled waters, sanitizers ken load.
Gapu iti daytoy, imballakad ti nasao nga opisina a liklikan dagiti establishimento nga umawat ti orders nga agaramat iti nagan ti LGU wenno dadduma nga opisina nangruna nu mapagdu-duaan ti nagan ken numero dagiti katransaksionda.
Indiayada pay ti doble a panagridam dagiti business establishments kadagiti maseknan nga opisina nu maatapanda a bogus wenno scam ti katransaksionda.
