Dumanon iti 75% kadagiti Building owners ti awanan iti building permit iti siyudad ti Baguio sigun iti City Bldg. and Architecture Office.
Bayat ti naipatungpal a City Hall Hour itay laeng, impeksa ni Engr.Stephen Capuyan, ti Asst. Head Engr. iti City Building and Architecture Office, a nabbabbaba daytoy nu idilig idi napalabas a tawen nu sadino 80% kadagiti bldg. owners iti siyudad ti awanan iti bldg. permit.
Nupay nakuna met ti engineer nga iti laksid ti panagregget dagitoy tapno maipaayan iti impormasyon dagiti residente iti siyudad, a pakairamanan ti information education campaign, media partnership, ken social media postings, saan latta a ma-achieve ti nasao nga opisina ti 100% ti bilang dagiti bldg. owners nga addaan iti bldg. permits.
Imbinglayna daytoy bayat ti impatungpal dagitoy a census kadagiti 94 barangays iti siyudad, kaaduan kadagiti awanan iti building permit ket marigatan nga ag-hire wenno agbiruk iti architects ken engineers maysa kadagiti sumagmamano a requirements sakbay a makaala iti bldg. permit ti nasao a bldg. owner a kasapulan ti guidance ti architect wenno engineer.
Gapu iti dayta a nangato a porsyento dagiti bldg. owners nga awanan iti bldg permit, nakipakpakaasi ni Engr. Capuyan kadagiti barangay kapitan iti siyudad ti Baguio tapno guyuguyenda dagiti amin a building owners iti masakupanda nga ag ala kadagiti bldg. permitsda.
Inyunay-unay ngarud ni Engr. Capuyan a napateg ti panangala iti bldg. permit para metlaeng iti seguridad dagiti residente iti siyudad ti Baguio.
