BAGUIO CITY – Balligi a naragpat ti Bureau Of Internal Revenue wenno BIR-Cordillera ti puntiryada a buwis a makolekta iti rehiyon.
Impanakkel daytoy ni Regional Director Douglas Rufino kasaruno ti pananggun-odda iti umno a buwis iti baet nga inapektaran ti COVID-19 ti ekonomiya.
Tinagiragsakna nga inwaragawag a naartapan pay ti puntiryada iti nakolektarda a buis iti umuna a kwarter ti 2020 nupay kadawyan a maad-adaan ti shortfall iti bulan ti Marso ken Abril.
Inkarina met nga aramidenda ti amin a kabaelanda tapnu mamintinir latta ti panangragpatda kadagiti naituding a buwis a makolekta tunggal kwarter ti tawen.
Patienna met a resulta daytoy dagiti insaysayangkatda nga information dissemination ken babaen metlaeng ti panakibinnadang dagiti tax payers.
Imbinglayna pay ni Rufino a nakakolektarda iti nasurok P500-B a buwis idi napalabas a tawen manipud iti P4.6-B a puntirya a makolekta dagitoy.
Immuna metten a kinisayan wenno binabaan ti Department of budget coordinating committee (DBCC) ti collection goal dagitoy gapu iti mapaspasaran a COVID-19 pandemic.
