BAGUIO CITY–Iyemplementar ti lokal a gobyerno ti Baguio ti bassit a panangipangato iti buis kadagiti real properties ditoy siudad inton sumaruno a tawen.
Sigun kenni City Assessor Maria Almaya Adawe, bunga daytoy ti panag-epektibo ti Ordinance No. 16, 2020 a nangaprobar iti panakarebisa ti schedule of market values para kadagiti real properties.
Kinunana a maiyaplikar ti narebisa nga schedule of market values kadagiti lote ditoy siudad bayat a naadaptar ti schedule of market values kadagiti pasdek kas maibasar iti probisyon ti Ordinance No. 101, series of 1995 ken ti Tax Ordinance No. 2000-001.
Inlawlawagna a ti panakaipangato ti buis dagiti real property ket magudwa iti uneg ti dua a tawen no sadino, inton sumaruno a tawen ket maiyaplikar ti 70 percent a babayadan bayat a ti nabatbati a 30 percent ket mabayadan inton 2022.
