--Ads--
Nangiparuar ti bulkan a Kanlaon iti agarup 3-K a tonelada ti sulfur dioxide idi kalman.
Daytoy ket sigun iti Philippine Institute of Volcanology and Seismology (PHIVOLCS) ita nga aldaw.
Malaksid iti dayta, napasamak ti sangapulo ket pito a volcanic earthquakes sadiay Negros Island kas maibasar iti kaudian a bulletin ti PHIVOLCS.
Nakaiparuar pay daytoy iti 500 meter a kangato ti plume a paturong iti southwest.
Iti agdama, nakangato ti Alert Level 2 iti aglawlaw ti nasao a bulkan.
Mabalballaagan met ti publiko a saanda nga umas-asideg iti daytoy kasta met dagiti aircraft gapu ta posible nga agbettak daytoy.
