--Ads--
BAGUIO CITY – Naibusen ti Calamity Fund ti lokal a gobyerno ti Itogon, Benguet.
Iti interview ti Bombo Radyo Baguio, kinuna ni Itogon Mayor Victorio Palangan a gapu daytoy iti agdama a pandemya.
Kinunana a nabusbusdan ti nasao a pondo idi pay napalabas a bulan ti Marso.
Gapu iti daytoy, inaklonna a mangnamnamada laengen iti mailatang a pondo para iti kampanya ti gobyerno kontra iti COVID-19 a maipaay kadakuada iti 2021 national budget.
Dinakamatna a naipanamnama kadakuada ti nasao a pondo pakairamanan dagiti dadduma a munisipyo ti Benguet.
Maipalagip a nailatangan ti tunggal munisipyo ti Benguet iti Calamity Fund a maaramat kuma para iti rehabilitation services kadagiti epekto dagiti naglabas a kalamidad.
