Kaadoan kadagiti nabaklas a campaign materials sadiay Atok, Benguet kabayatan ti naipatungpal nga Oplan Baklas ket dagiti materials dagiti Partylist.
Iti panakiuman ti Bombo Radyo kenni Dionisio Oya, Election Officer sadiay Atok, Benguet, kinunana a dumanon iti 250 a campaign materials ti nabaklasda manipud kadagiti Partylist; innem manipud kadagiti senator candidates, uppat manipud kadagiti Congressman candidates; ken maysa iti kinakonsehal.
Sigun kenni Oya, dagiti naikargaan dagiti nabaklasda a campaign materials ket kadagiti kabite, kadagiti puon ti kaykayo ken daduma pay a maiparit.
Para ita a Midterm elections, imbinglay ni Oya a dumanon iti 26 dagiti local candidates, dua ti agbabalubal iti kina-mayor; dua iti kina-Vice Mayor ken dua pulo ket dua iti kinakonsehal.
Nalpasen met a nangipatungpal dagitoy iti voters education kadagiti walo a barangay iti munisipyo ti Atok tapno ammoda nga agaramat iti Automated Counting Machine.
Mangnamnama met ni Oya nga iti umadanin a 2025 National ken Local elections ket saan angbalin a karit ti signal kasta met ti saanna a panagtudo.
Imbinglay met ni Oya nga iti laksid nga adda iti nasusulinek a paset ti Atok, saan a nagbalin a parikot kadagitoy ti panakaideliver dagiti makina gapu ta tungga presinto ket adda iti lugan a naaramat.
