Naituding a mangrugi ti campaign period para kadagiti kandidato iti national inton Pebrero a onse agingga Mayo a dies ita a tawen bayat a kadagiti local a kandidato ket inton Marso baente osto agingga Mayo a dies.
Sigun kenni Atty. Elenita Julia Tabangin-Capuyan, Provincial Election Supervisor 3-Office of the Regional Election Director ti Cordillera, nasken a saan nga agsobsobra ti aramaten dagiti kandidato iti panagkampanyada gapu ta mabalin nga agbalin a rason daytoy iti posible a panaka-diskwalipikarda.
Kinuna ni Atty. Tabangin-Capuyan a ti naituding a busbusin dagiti kandidato ket P3 tunggal nakarehistro a botante nu dagitoy ket karaman iti political party bayat a P5 tunggal nakarehistro a botante para kadagiti independent candidate.
Ti rumbeng met a kadakkel dagiti campaign posters ket 2 by 3 feet.
Malaksid iti dayta, mabalin dagitoy nga agala iti airtime iti radyo ken telebsiyon ngem insingasing ti opisyal a nasaysayaat ti online campaigning gapu ta awan ti bayadanda iti daytoy laketdi nagparehsitroda iti social media ads iti Commission on Elections idi napalabas a bulan.
Kabayatanna, saan pay a mabalin a garawen ti Commission on Elections dagiti nagdududma a freedom of expressions dagiti kandidato a nakapaklat.
Nupay kasta, nu mangrugi ti campaign period ket mabalindan nga ipatungpal ti “operation baklas.”
Iti baet dayta, impaganetget daytoy nga awan ti bilegda kadagiti nakadisplay kadagiti pribado a pasdek.//Bombo Mera Pacpacan
