Inaklon ni La Union Rep. Paolo Ortega V a makitkita ni House Speaker Martin Romualdez a karit kadakuada ti agtultuloy a campaign period ken ti umadanin a 2025 midterm elections, bayat nga agsagsagana ti House prosecution panel para iti “trial” ni Vice President Sara Duterte iti Senate impeachment court.
Daytoy ket idi nadamag ti nasao a kongresista nu anya ti isyu nga indatag ti House Speaker maipapan iti panagsagana ti House of Representatives idi nagtaripnong dagiti kameng ti administration bloc ti Kamara, agraman ti 11-strong prosecution panel, idi Mierkoles, Pebrero 12.
Kagiddan dayta, kinuna ni Ortega a nakipaset ti House Speaker iti panagtaripnong tapno ipakita ti suportana iti grupo.
Idi nadamag nu adda ti apela ni House Speaker Romualdez, kinuna ni Ortega nga imbalakad ni Romualdez nga agbalinda a napudno iti botosda kontra kenni Vice President Duterte.
Kabayatanna, ti panagkampanya dagiti agngayangay iti nasional a puesto para iti 2025 midterm elections ket nangrugi idi Pebrero 11 ken agbayag daytoy agingga Mayo a deiz.
