Ad-adda a bumarbara ti campaign rally iti kampo dagiti agngayngayangaya iti kina-presidente idiay Estados Unidos a da Donald Trump ken Kamala Harris.
Iti pannakiuman ti Bombo Radyo kenni Jun Villanueva ti Bombo International News Correspondent idiay United States of America, kinunana a makumikom dagiti dua agsipud ta tallo laengen nga aldaw ti maipatungpal ti election period.
Sigun kenkuana, adda met dagiti 538 nga agserbi kas electoral boards a naiwaras kadagiti nagduduma a lugar iti nasao a pagilian.
Puntirya met dagitoy a pagturturungan ket kadagiti swing areas tapno allukuyen dagiti botante.
Iti nasao nga eleksyon kasapulan a makaala ti kandidato iti 270 a butos tapno automatic daytoy a mangabak iti kina-presidente ngem iti kanito nga agpada dagitoy iti bilang ti butos ket adda dagiti agserbi a breaker no sadino dagiti congressman sadiay ti agpili iti Presidente bayat a pilien met dagiti senador ti agserbi kas bise presidente.
Malaksid iti dayta, adda metlaeng ti maaw-awagan a winner take all system daytoy ket ti automatic a butos dagiti amin nga electoral boards iti maysa nga estado.
Kabayatanna, naobserbaran metlaeng ni Villanueva a kaaduan kadagiti Filipino Community sadiay pakairamanan dagiti sumagmamano nga umili ti pabor kenni Kamala.
Daytoy ket gaputa pabor ni Kamala Harris iti ad-adu nga iseserrek dagiti immigrants iti nasao a pagilian.
Innayonna metlaeng nga agdepende ti mangabak kadagiti butos dagiti electoral boards saan a ti popularity.
Iti agdama, manarimaan paylaeng ti early voting ngem iti kanito a malpas daytoy ket adda metten ti naituding nga aldaw a pakabilangan amin dagitoy.
