Inwaragawag ni Canadian Prime Minister Justin Trudeau nga agkissayda iti bilang ti immigration tapnu maksayan ti agipatpatakder ti balayda wenno agnaed idiay ken tapno mapalag-an ti pressure iti social services iti nasao a pagilian.
Maipalagip a ti Canada ket isu ti maysa kadagiti pagilian a kaykayat dagiti tattao a pagtrabahoan ken pagyanan.
Manamnama ngarud a 395,000 a kanayonan a bilang ti mabalin nga awatenda nga agbalin a permanente a residente idiay Canada inton tawen 2025, bayat a 380,000 met inton 2026 ken 365,000 inton tawen 2027, nababbaba nu idilig iti 485,000 a bilang ita a tawen.
Manamnama metlaeng nga agkissay ti Canada iti rinibribu a residente a temporaryo nga agnanaed idiay tunggal tawen.
Babaen iti nasao a plano, bumaba ti bilang ti populasyon idiay inton 2025 ken 2026.//Bombo Novy Organo