Ipadpadanun ti Canadian government ti pannakipagriknada iti pamilya dagiti biktima iti pannakauram ti barko nga MV June Aster sadiay Coron, Palawan idi Meirkules, September 9, 2026.
Iti statement ti Canadian government, bigbigbigenda ti manarimaan a panagregget dagiti emergency responders ken makikaykaysa dagitoy kadagiti umili ti Pilipinas.
Iti agdama, lima ti kompirmado a pimmusay, bayat a 42 dagiti balligi a naispal.
Sigun iti Philippine Coast Guard (PCG), mabirbiruk paylaeng dagiti 87 a pasahero.
Dumanon iti 134 ti nakalugan idi napasamak ti insidente.
Daytoy ket pakairamanan ti 117 a pasahero ken 17 a crew members.
Sigun iti maysa a naispal a pasahero, nakangngeg iti napigsa a panagbettak iti asideg ti cargo hold sakbay a nagwaras ti asok ken uram.
Iti nasao a barko ket kukua ti Atienza Interisland Ferries Inc., nagrubwat iti sangladan sadiay Batangas iti pasado 8:13 p.m idi Huebes ken naituding a sumangpet sadiay Coron, Palawan iti 6:00 p.m ti Mierkules.
Iti agdama, agtultuloy metten ti nainget nga imbestigasyon dagiti otoridad iti rason ti napasamak nga insidente
