BAGUIO CITY – Nangrugin ita nga aldaw ti Cordillera Administrative Region Athletic Association wenno CARAA Meet ditoy siudad ti Baguio.
Nangrugi daytoy babaen iti maysa a parada a pasetan dagiti delegado manipud iti nagduduma a probinsya ti rehion Cordillera.
Immunan a kinuna ni City Mayor Mauricio Domogan nga iti Mabini Elementary School nga agdagus ti delegado ti Ifugao, Lucban Elementary School ti pagdagusan met ti Benguet delegates, ken ti Baguio Central School ti pagturungan ti delegado ti Mt. Province.
Kabayatanna, agdagus met iti Quezon Elementary School ti delegado ti Kalinga, iti Special Education Center ti pagturungan ti delegado ti Abra, iti San Vicente Elementary School ti delegado ti Apayao bayat nga iti Baguio City National Highschool ti pagturungan ti delegado ti Baguio ken officiating officials.
Impanamnama met ti mayor a nakasaganan dagiti basic supplies nga ipaay ti lokal a gobyerno kadagiti nasao a delegado.
