LA TRINIDAD, BENGUET – Nainget a pinagsaganaan ti Munisipyo ti La Trinidad, Benguet ti Cordillera Administrative Region Athletic Association (CARAA) Meet 2026.
Iti pannakiuman ti Bombo Radyo kenni La Trinidad Mayor Roderick Awingan, kinunana nga insaganaanda ti nasao nga aktibidad kas host municipality.
Sigun kenkuana, nakipaset dagitoy iti nagduduma a meeting ken nakitada ti panagsagana ti probinsia ti Benguet kas host.
Impettengna nga insaganaanda ti panangpatalinaed iti peace and order, pannakaimanihar ti trapiko, danum ken dadduma pay.
Sigun ken Mayor Awingan, tunggal munisipyo ti Benguet ket addaan iti host a delegado.
Maragsakan met ti nasao a Mayor agsipudta, adda dagiti pulis a kaddua dagiti dadduma a delegasion tapno tumulong iti panangpatalinaed iti linak ken kapia iti nasao a lugar. //mp4
