--Ads--
BAGUIO CITY – Nakemmeg ti maysa a caregiver iti drug buy-bust operation nga impatungpal dagiti pulis iti deppaar ti Naguilian Road, Lourdes Extension, Baguio City idi kalman.
Nabigbig daytoy a ni Rowella Maso Delfin a.k.a Rowela ken Wela, 45-anyos, tubo ti Benguet ken residente ti Fairview, Baguio City.
Nakumpiskar manipud kenkuana ti dua a sachet a naglaon iti maatap a shabu, maysa a genuine P1,000 bill ken uppat a P1,000 a boodle money.
Sumangsango ti suspek iti kaso a panaglabsing iti Comprehensive Dangerous Drugs Act of 2002.
