BAGUIO CITY – Nasarakan ti awanan biag a bagi ti maysa a lalaki iti uneg ti balay sadiay Legarda Road, Baguio City idi kalman.
Nabigbig daytoy a ni Sherwin Liggayu, 19-anyos, baro, tubo ti Lal-lo, Cagayan ken caretaker iti nasao a lugar.
Sigun kenni John Clyn Balimbin a kailyan ni Liggayu, saan a sumungsungbat ni Liggayu iti selpon isut gapuna a napan iti bambantayan daytoy a balay.
Nupay kasta, naka-lock ti ridaw isut gapuna a simrek ni Balimbin iti balay babaen iti panang-ikkatna iti jealousy window iti kusina.
Nasarakanna laengen ti bagi ni Liggayu a nakaidda iti datar iti silid daytoy ken adda ti barikes a nakakabit iti bobida.
Sigun iti PNP-SOCO, pimmusay ni Liggayu gapu iti panagbekkel ken adda ti nasarakan a suicide note iti silid daytoy.
