Natakaw ti cash box ti 28-anyos a babae, maysa a vendor ken residente ti Mines View, Baguio City itay nabiit iti stall daytoy idiay Hanger Market, Upper Magsaysay Avenue, Baguio City.
Sigun kenkuana, napansinna a mapukpukaw ti metal cash box daytoy nga inparabawna iti lamisaan.
Apaman a napansinna, nagdamag daytoy kadagiti kaabayna nga stalls nu adda nakitada a nangala iti cash box ngem awan metlaeng kadagitoy ti nakapansin.
Gapu iti dayta, nagturong daytoy iti management office ti hanger market tapno i-reviewda dagiti CCTV footages.
Bayat iti panagreview da, nakitada ti maysa a babae a nakakawes iti brown a kamisita, naka-pantalon iti nangisit, ken gray nga slippers a nangala iti nasao a cash box a naglaon iti P4,000.00.
Apaman nga inala ti babae ti cash box, pinmanaw daytoy ken nagturong iti paset ti Magsaysay Avenue.
Iti panagimbestiga dagiti kapulisan, ti babae a nangala ket 25-anyos, awanan trabaho, tubo ken residente ti Pangasinan.
Iti kaudian a report dagiti otoridad, saan a nangipila ti complainant iti kaso kontra iti suspek. //Bombo Noveh Organo
