--Ads--
BAGUIO CITY – Manaynayunan ti bilang dagiti agar-aramat ti cashless transaction ditoy siudad iti Baguio, babaen iti service provider nga Squid Pay.
Sigun kenni Elmar Panganiban, CEO ti nasao a service provider, rugianda inton umay a lawas ti panangiyam-ammo iti cashless system kadagiti kapitan dagiti barangay ditoy siudad.
Kinunana a mangrugida kadagiti komunidad tapno mabalin met nga aramaten dagitoy dagiti maibilbilang nga unprivileged wenno dagiti gagangay nga umili.
Inyunay-unayna a napintas ti nasao a sistema tapno malapdan ti panawaras iti COVID-19 ditoy lokalidad.
Imbinglay ni Panganiban a mabalin a maaramat ti nasao a sistema kadagiti panganan, transportasyon ken dadduma pay.
