Pagdandanagan ti Catholic Bishops’ Conference of the Phippines (CBCP) ti pannakaitantan ti impeachment proceedings kontra kenni Vice Presiden Sara Duterte.
Sigun iti nasao a grupo, no maipatungpal ti impeachment a mabuyogan iti kinapudno ken hustisia ket maysa daytoy a legitimate democratic mechanism para iti transparency ken accountability.
Kabayatanna, idagdagadag ti Filipino Catholic bishops kadagiti maseknan iti impeachment a dumngegda iti nagsinumbangir a kampo a maibasar iti Christian faith ken dadduma pay.
Immunan a kinuna ni Senate impeachment court spokesperson Regie Tongol a saan a tengtenglen ti Senado ti impeachment ni Duterte.
Gapu iti dayta, inyunay-unayna nga awan ti basaran ti “foot-dragging.”
Maipalagip a naipila ti impeachment kontra kenni Duterte idi Pebrero 5, kalpasan nga in-endorso ti 200 a kongresista ti verified complaint kontra kenkuana, a naiyakar iti Senado para iti impeachment trial daytoy.
Nupay kasta, binutusan ti impeachment court iti June 10 a maisubli iti House of Repesentatives ti articles of impeachment kontra kenni Vice President Duterte.