Saan a naimatangan ti presensiya ni Cavite Fourth District Rep. Kiko Barzaga iti House Committee on Ethics and Privileges meeting idi kalman para iti panagdengngeg ti kaso na.
Sigun kenni Manila Second District Representative ken National Unity Party (NUP ) member Rolando Valeriano, saanen daytoy a maklaat iti saan a pannakipaset ni Barzaga iti panagdengngeg gapu kadagiti absences daytoy kadagiti napalpalabas nga ethics committee hearings.
Innayonna a mangipila met ti House Committee on Ethics ita nga aldaw ti rekomendasyon iti plenaryo iti innaramid ni Barzaga no sadino maysa kadagiti posible a rekomendasyon ken suspension ken expulsion.
Inyebkas met ni Valeriano ti kapanunotanna no sadino ket saan laeng kuma a suspensyon ti maipataw kenni Barzaga gapu kadagiti inararamida ken kagagalad nga inpakpakitana manipud idi Disyembre ti napalabas a tawen. // Bombo Karen Calpoe Sapirao
