Makompiskar ti mobile phone dagiti estudiante no itugotda iti school campus idiay Dumanjug, Cebu, agrugi intun Lunes, June 29, 2026.
Daytoy ket kasaruno ti direktiba ni Dumanjug Mayor Efren “Gungun” Gica idi June 28, 2026.
Iti social media post ti nasao a Mayor, saan a maipalubos ti cellphone iti pagadalan, agrugi ita nga aldaw.
Sigun kenkuana, makumpiskar ken maisubli laeng iti ngudo ti school year dagiti cellphone.
Impettengna nga adda kadagiti nagannak nga iyakar ti annakda iti sabali a munisipyo no saanda a kayat nga agtungpal iti nasao a pammilin.
Inyunay-unayna a panggepda nga agbasa, agadal, ken makilangen dagiti ubbing kadagiti kaklaseda.
Iti maysa a post idi Hunio 24, kinuna ti Public Information Office ti munisipio a karaman ti pannakaiparit ti mobile phone kadagiti safety measures a maipatpatungpal kadagiti pagadalan.
Karaman ditoy dagiti naing-inget nga addang ti seguridad kas iti panangsukimat iti entrance dagiti estudiante ken mannursuro; pannakaiparit dagiti napeggad a banag kas iti kutsilio ken paltog.
