BAGUIO CITY – Opisyalen a nangrugi ti centennial celebration ti probinsia ti Abra idi kalman babaen iti panakaipangato dagiti municipal banners babaen iti amin a mayor dagiti munisipyo ken ti panakaiyusuat ti Centennial Bazaar sadiay Abra Sports Complex.
Tampok iti selebrasyon dagiti naisangsangayan a nadesinyo a bamboo products kas iti frog-like hamper, centennial cup ken trophies, bamboo electric fan, bamboo kiosk para iti couples, recycle bins, vases ken picture frames.
Naiparang met dagiti nangangato a bamboo lampshades, double-decked rocking chair nga addaan ti food tray ken dadduma pay.
Impeksa ni Governor Maria Jocelyn Bernos ti panagyamanna kadagiti amin nga artistic exhibitors ken bamboo advocates a nangpabalin a posible iti Centennial Bazaar.
Ti Abra ti maysa kadagiti top bamboo producing provinces iti pagilian a mangpapataud kadagiti ‘one of the best varieties’ dagiti kawayan ken de kalidad a bamboo products.
Agleppas ti centennial celebration ti Abra inton March 12.
