Inaprobrananen iti DENR-CAR ti environmental clearance para iti maibangon a Central Materials Recovery Facility (MRF) idiay Barangay Dontogan, Baguio City, a panggepna a maksayan ti basura a maiturturong kadagiti landfill.
Sigun iti DENR, kabaelan nga iproseso iti pasilidad ti agingga iti 150,000 a tonelada iti basura tunggal tawen babaen iti mechanized sorting, composting ken materials recovery systems.
Addaan iti 1,600-square-meter main building ti pasilidad a makabilan iti machine para iti panangisina, panagrecycle ken panangiproseso iti basura. Addaan metlaeng daytoy kadagiti sistema tapno makontrol ti angot ken polusion iti angin.
Manamnama a makakessay metlaeng daytoy iti gastos iti siudad iti pananghakot iti basura.
Dumanon iti P200 milion tunggal tawen ti magasgastos iti siudad iti panangibiahe iti residual waste iti Urdaneta City engineered sanitary landfill.
Kabayatanna, naaprobaran idi Enero iti National Solid Waste Management Commission (NSWMC) ti solid waste management plan iti Baguio City agingga iti 2034.