--Ads--
Inaklon ni Commission on Elections Chairman George Erwin Garcia nga awan ti ligal a maaramidanda a maipasardeng kadagiti kandidato manipod iti panangisayangkatda ti “social services,” iti baet nga agtultuloy ti panagkampania para iti Senatorial candidates.
Sigun kenni Garcia, adda ti “loophole” a mangipalubos kadagiti kandidato a mangted iti “ayuda” wenno tulong uray kalpasan a nangrugin ti tallo a bulan a kampania idi Pebrero 11.
Daytoy ti rason nu apay a guyguyuguyenna ti panagbalbalaiw ti pagannurotan ti Eleksion gaputa saanen a maus-usar dagiti dadduma a linteg nga impatpatungpalda.
