Naituding ti tunggal maikatlo a Domingo ti Setyembre kas Character week iti siudad ti Baguio kas maibasar iti bisa ti Ordinance no. 39 series of 2023.
Daytoy ket kas panakabigbig ti siudad ti Baguio kas Character City.
Sigun kenni Councilor Isabelo Cosalan Jr., ti panakaideklara ti Baguio City kas character city ket saan laeng nga individual trait nu diket maysa a collective force manipud kadagiti amin pakairamanan dagiti barangays, educational institutions, businesses, law enforcements ken media.
Iti nasao a character week, agserbi kuma daytoy kadagiti amin a lider iti siudad a nasken nga agbalin dagitoy a modelo iti nasayaat a panag-ugugali.
Saan met a mailibak nga ado a turista ti agsubsubli iti siudad saan laeng a gapu iti kinapintas ti aglawlaw daytoy nu diket gapu met laeng iti nasayaat a character wenno panag-ugugali dagiti residente.
Kabayatanna, kiddaw ni Cosalan Jr. ti panagbalin a modelo ti tunggal maysa nga addaan iti mayat a character a mabalin nga ipannakel ti sumarsaruno a henerasyon.
