Impeksa ni Acting Davao City Mayor Baste Duterte nga agpadrug test dagiti amin nga elected officials sakbay nga ipatungpalda kenni Philippine National Police (PNP) Chief Gen. Nicolas Torre III ti Charity boxing match dagitoy.
Sigun kenni Acting Mayor Duterte, kasa-o ni General Torre ni President Ferdinand Marcos Jr. nga ibilinna nga agpa-drug test amin nga elected officials sakbay nga aksiptarenna ti Charity boxing match dagitoy.
Maipalagip a kinarit ni Acting Mayor Duterte ni General Torre iti boxing kabayatan ti podcast daytoy idi Domingo, July 20, 2025.
Inaksiptar met daytoy ti Chief ti PNP ken insingasingna nga aramidenda daytoy a charity boxing match tapno maka-urnongda iti pondo para kadagiti biktima ti southwest monsoon.
Gapu iti dayta, nagrugi a nagsanay ni General Torre idi Huebes, July 24, 2025 iti PNP Gymnasium sadiay Camp Crame, Quezon City para iti nasao a boxing match dagitoy.
Kabayatanna, kinuna ni Torre a maisagsagana ti Rizal Memorial Coliseum idiay Manila a pakaangayan ti laban dagitoy.
Impetteng met daytoy nga iti kanito a saan nga agpakita ni Duterte ket adda iti nasao nga Acting City Mayor no agparang wenno saan.
Innayon ni Torre nga addan dagiti sponsors nga agdonar iti relief goods para kadagiti apektado iti panaglayus ken tudo.
Sigun met kenni Duterte, no pudno a kayat ni Torre nga aglaban dagitoy, apay paylaeng nga aramidenda a Charity.
