--Ads--
Kinarit ni sigud nga Ilocos Sur Governor Luis “Chavit” Singson ti Malacañang a mangibaga laeng ti pudno maipapan kenkuana.
Daytoy ket mainaig iti maibatbato kenkuana a kas ti jueteng ken ti interesna a makipaset iti Philippine Charity Sweepstakes Office.
Sigun kenni Singson, ti rumrummuar a damag ket aramid dagiti trolls ti agdama nga administrasion.
Manipod idi ket sinungbatanna ti alegasion nga isuna ti mastermind ti iligal a jueteng.
Pinaglibakanna metlaeng nga interesado daytoy nga agbalin nga opisial ti PCSO numan pay naidiaya kenkuan ti posision idi.
Gapu iti daytoy, binabalawna ni Palace Spokesperson Claire Castro ken inawaganna nga ‘attack dog.’
