Naituding a makipagkita ni Chavit Singson iti Miss Universe Organization (MUO) inton sumaruno a bulan tapno makipagsarita ken maki-negotiate iti posible a panaggatangna ti prangkisa daytoy.
Sigun kenni Singson, naamuanna ti kaudian a pakaseknan iti organisasion gapuanan tapno ibagana iti anakna a babai a makikoordinar iti Miss Universe Organization gaputa kayatna a gatangen ken imanehar ti organisasion.
Nupay kasta, kinunana a saan pay daytoy a pinal, ngem posible a sumarungkar dagiti kameng ti nasao nga organisasion inton sumaruno a bulan.
Maipalagip a naaddaan iti kontrobersia ti Miss Universe 2025 pageant manipod iti pre-pageant events agingga a kalpasan ti coronation, pakairamanan ti alegasion a saan a pudno a resulta daytoy.
Ngem sinungbatan daytoy ni Miss Universe Organization President Raul Rocha a nangipaay iti sumagmamano nga statement seknan iti nasao a pakaseknan.
Ti pageant ket naisayangkat idiay Bangkok, Thailand idi Nobiembre nu sadinno nakoronaan ni Fatima Bosch ti Mexico kas Miss Universe 2025, bayat a ti pambato ti Pilipinas a ni Ahtisa Manalo ket nakoronaan kas third runner-up.
