Pinaglibakan ni Defense Secretary Gilbert Teodoro Jr., nga awan ti komunikasyonna iti Department of National Defense (DND) ken iti China Embassy maipapan iti “new model” a manangimanehar iti sitwasyon iti Ayungin Shoal.
Nupay kasta, inaklon ti Chinese Embassy a ti “new model” ket immunan nga inaprobaran ti Philippine government pakairamanan ti Department of National Defense (DND).
Sigun kenni Teodoro, nabayag a saan a nakipagsisinnirak daytoy iti Chinese Embassy.
Innayonna pay ni Teodoro, a panggep ti China a dadaelen ti relasyon dagiti Pilipino isu’t gapuna a mangiruruar dagitoy iti saan nga agpaypayso.
Kabayatanna, dinismiss ni National Security Adviser Eduardo Año ti mapapati a “new model” manipud idiay China agsipud ta awan ti katulungan maipapan iti daytoy.
