Pinaglibakan ti Ministry of Foreign Affairs ti China nga adda ti pakainaigan ti gobierno dagitoy iti AI-generated video a nangiladawan kadagiti Pilipino iti bakes.
Sigun kenni Chinese Foreign Ministry spokesperson Lin Jian, awan ti komentona iti nasao a video ken inlawlawagna a saan nga aramid daytoy ti China.
“About the video you mentioned, this is not an act of the government. I have no comment on that,” sigun kenni Lin Jian.
Nupay kasta, ipaganetgetna ti nabayag a posisyon ti Beijing a saanda a bigbigen ti 2016 South China Sea arbitral ruling a pabor iti Pilipinas.
Sigun iti Chinese Foreign Ministry spokesperson, ilegal ti arbitral ruling ken awan ti serbina.
Kabayatanna, impaganetget ti Pilipinas ti kinaumiso ti nasao a desision, a mangibagbaga nga awan ti legal a basaran ti China iti panangtagikuada iti West Philippines Sea.
